- Lyrics
- Album list
- Singer Intro
黃士祐
-
心肝仔子
Lyricist:黃士祐 Composer:黃士祐
落土哭出聲,阮的心肝仔子 感謝床母有保庇,一眠一吋大 有你才知影,做人父母的心晟 煩惱你敢有吃飽,驚你受風寒
若為你~辛苦沒算什 無價之寶,用心保護,嘸驚流血汗 若為你~犧牲沒算什 永遠是阮心頭,上嘸甘的彼塊肉
心肝仔子~阮的心肝仔子 嘸免趕緊想欲友孝,憨囝仔 照顧好你自己幸福的生活 就是上好的友孝啦~憨囝仔
* * * * * * * * * * * *
落土哭出聲,阿爸來惜惜啦 望你健康快快大,雙手做搖籃 聰明又乖巧,嘸知是遺傳到什人啊 豐富阮的人生是,你的笑聲
因為你~人生才知影 幸福是什,為著什覓目標在打拼 因為你~人生圓滿啦 年紀多大你攏是阮,袂大漢的子
心肝仔子~阮的心肝仔子 感謝上天賜乎我,這個寶貝仔子 爸爸媽媽顛倒愛感謝 這段人生有你作伴~憨囝仔
~阮的心肝仔子 感謝上天賜乎我,這個寶貝仔子 照顧好你自己幸福的生活 就是上好的友孝啦~憨囝仔
------------------------------------------
《心肝仔囝》Sim-kuann-á-kiánn 黃士祐N̂g Sū-iū
落塗哭出聲 lo̍h-thôo khàu tshut-siann 阮的心肝仔囝 gún ê sim-kuann-á-kiánn 感謝床母有保庇 kám-siā tshn̂g-bù ū pó-pì 一暝一寸大 tsi̍t-mî tsi̍t-tshùn tuā 有你才知影 ū lí tsiah tsai-iánn 做人爸母的心情 tsuè lâng pē-bú ê sim-tsiânn 煩惱你敢有食飽 huân-ló lí kám ū tsia̍h-pá 驚你受風寒 kiann lí siū hong-kuânn
若為你辛苦無算啥 nā uī lí sin-khóo bô sǹg siánn 無價之寶 bû-kè tsi pó 用心保護 iōng-sim pó-hōo 毋驚流血汗 m̄-kiann lâu hueh-kuānn 若為你犧牲無算啥 nā uī lí hi-sing bô-sǹg siánn 永遠是阮心頭 íng-uán sī gún sim-guān 上毋甘的彼塊肉 siōng m̄-kan ê hit tè bah
心肝仔囝 sim-kuann-á-kiánn 阮的心肝仔囝 gún ê sim-kuann-á-kiánn 毋免趕緊想欲有孝 m̄-bián kuánn-kín siūnn-beh iú-hàu 戇囡仔 gōng-gín-á Find more lyrics at ※ Mojim.com 照顧好 tsiàu-kòo hó 你家己幸福的生活 lí ka-kī hīng-hok ê sing-ua̍h 就是上好的有孝啦 tiō-sī siōng hó ê iú-hàu--lah 戇囡仔 gōng-gín-á
落塗哭出聲 lo̍h-thôo khàu tshut-siann 阿爸來惜惜啦 a-pa lâi sioh-sioh--lah 望你健康快快大 bāng lí kiān-khong khuài-khuài tuā 雙手做搖籃 siang-tshiú tsuè iô-nâ 聰明又乖巧 tshong-bîng iū kuai-khá 毋知是遺傳著啥人啊 m̄-tsai sī uî-thuân tio̍h siánn-lâng--ah 豐富阮的人生 hong-hù gún ê jîn-sîng 是你的笑聲 sī lí ê tshiò-siann
因為你 in-uī lí 人生才知影 jîn-sing tsiah tsai-iánn 幸福是啥 hīng-hok sī siánn 為著啥物目標咧拍拚 uī-tio̍h siánn-mih bo̍k-phiau teh phah-piànn 因為你 in-uī lí 人生圓滿啦 jîn-sing uân-buán--lah 年紀偌大 nî-kì guā tuā 你攏是阮袂大漢的囝 lí lóng sī gún buē tuā-hàn ê kiánn
心肝仔囝 sim-kuann-á-kiánn 阮的心肝仔囝 gún ê sim-kuann-á-kiánn 感謝上天賜予我 kám-siā siōng-thinn sù hōo guá 這個寶貝仔囝 tsit ê pó-puè-á-kiánn 爸爸媽媽顛倒愛感謝 pa--pah ma--mah tian-tó ài kám-siā 這段人生有你做伴 tsit tuānn jîn-sing ū lí tsuè-phuānn 戇囡仔 gōng-gín-á
心肝仔囝 sim-kuann-á-kiánn 阮的心肝仔囝 gún ê sim-kuann-á-kiánn 感謝上天賜予我 kám-siā siōng-thinn sù hōo guá 這個寶貝仔囝 tsit ê pó-puè-á-kiánn 爸爸媽媽顛倒愛感謝 pa--pah ma--mah tian-tó ài kám-siā 這段人生有你做伴 tsit tuānn jîn-sing ū lí tsuè-phuānn 戇囡仔 gōng-gín-á
阮的心肝仔囝 gún ê sim-kuann-á-kiánn 感謝上天賜予我 kám-siā siōng-thinn sù hōo guá 這個寶貝仔囝 tsit ê pó-puè-á-kiánn 照顧好 tsiàu-kòo hó 你家己幸福的生活 lí ka-kī hīng-hok ê sing-ua̍h 就是上好的有孝啦 tiō-sī siōng-hó ê iú-hàu--lah 戇囡仔 gōng-gín-á
- Special thanks to 漁夫 for sharing the lyric.
- Special thanks to W.B. Chen for correcting the lyric.
- Related Links: W.B. Chen
|