- Lyrics
- Album list
- Singer Intro
郭大誠
-
流浪拳頭師
Lyricist:謝麗燕 Composer:郭大誠
來來 來來 鑼聲鼓聲響四邊 現在總請列位眾兄弟 阮一行三五名 為著名 聲拼生命啊 請你緊來看 流浪江湖硬軟的功夫 緊來 緊來 緊來啦 口白:來...大家就圍來參考 若愛看拳頭免驚無 日本力道山是好手刀兼柔道 也若美國鼻子督督 目稠羅羅 若欲要乾二步他著要木信顧才算會和 若印度黑和大庫是通人知 若咱中國達摩後功夫是最厲害 也若小弟是真不才 腹肚若饑著全部數 也腹肚若飽都無半步 來.....看....太祖拳是打硬枝 若白鶴拳是像麻薯 狗拳是好腳手 猴拳是吃目綢 搭....看....看一步吞荊放甲 起手落差 喂 這部腳手若沒錫打 若無會像眠床頂跳倫巴 來 看乎真 這步叫做童子拜觀音 目綢著愛撒乎金 才勿桌布看做面巾 喂 這步也更好 叫做落地的猛虎 目綢若要革庫庫 內衫會看做內褲 喂 閣來要更好 關公倒拖刀 這步動作若無做好 勿前打會自己先倒 喂 喂閣續落去就是山人挽仙桃 若挽著 後代敢會找無 喂 閣來就是凌波洗身軀的格勢 不是準備欲出嫁 喂 各位你就要看詳細 才勿給凌波歹勢 來閣續落也較好不是要相婆 也不是要跳漫波 就是要拳頭拼柔道 也若欲好就是愈落去愈好 看.....看 來來 來來 今日有緣來相逢 明日就要閣再換別位 太祖拳像鐵枝 白鶴拳是像麻薯啊 啊 請你緊來看 流浪江湖硬軟的功夫 緊來 緊來 緊來啦~
------------------------------------------
15828/《流浪拳頭師》Liû-lōng Kûn-thâu-sai 郭大誠Kueh Tāi-sîng
來來來來 lâi lâi lâi lâi 鑼聲鼓聲響四邊 lô-siann kóo-siann hiáng sì-pinn 現在總請列位眾兄弟 hiān-tsāi tsóng tshiánn lia̍t-uī tsiòng hiann-tī 阮一行三五名 gún tsi̍t-kiânn sann-gōo miâ 為著名聲拚性命 uī-tio̍h miâ-siann piànn-sìnn-miā 啊~請恁緊來看 ah~ tshiánn lín kín lâi khuànn 流浪江湖的 liû-lōng kang-ôo ê 硬軟的功夫 ngī-nńg ê kang-hu 緊來緊來 kín lâi kín lâi 緊來啦 kín lâi--lah
↓↓(口白)---(口白)---(口白)↓↓ 來來來 lâi lâi lâi 看看看 khuànn khuànn khuànn 人濟話就濟 lâng tsuē uē tiō tsuē 三色人講五色話 sam-sik lâng kóng ngóo-sik uē 有人講愛食菜花 ū-lâng kóng ài tsia̍h tshài-hue 嘛有人愛苦瓜 mā ū-lâng ài khóo-kue 有人愛看弄樓 ū-lâng ài khuànn lāng-lâu 猶嘛有人 iáu mā ū-lâng 愛看拍拳頭 ài khuànn phah-kûn-thâu
來!逐家倚來參考 lâi! ta̍k-ke uá lâi tsham-khó 若愛看拳頭 nā ài khuànn kûn-thâu 免驚無 bián-kiann bô 日本力道山 ji̍t-pún Li̍k-tō-san 是好手刀兼柔道 sī hó tshiú-to kiam jiû-tō 啊若美國 ah nā bí-kok 鼻仔啄啄 phīnn-á tok-tok 目睭濁濁 ba̍k-tsiu lô-lô 若欲掔兩步仔 nā beh khian nn̄g-pōo--á 伊著bők-sìn-kuh (boxing) i tio̍h bők-sìn-kuh 才算會和 tsiah sǹg ē-hô 啊若印度烏閣大箍 ah ná Ìn-tōo oo koh tuā-khoo 是通人知 sī thong-lâng tsai 若咱中國 ná lán Tiong-kok 達摩的功夫 Ta̍t-môo ê kang-hu 是最厲害 sī tsuè lī-hāi Find more lyrics at ※ Mojim.com
啊若小弟是真不才 ah nā sió-tī sī tsin put-tsâi 腹肚若枵全步數 pak-tóo nā iau tsuân pōo-sòo 啊腹肚若飽就無半步 ah pak-tóo nā pá tiō bô-puànn-pōo 來!看! lâi! khuànn! 太祖拳是拍硬枝 thài-tsóo-kûn sī phah ngī-ki 啊若白鶴拳是像麻糍 ahnā pe̍h-ho̍h-kûn sī tshiūnn muâ-tsî 猴拳是好跤手 kâu-kûn sī hó kha-tshiú 狗拳食目睭 káu-kûn sī tsia̍h ba̍k-tsiu
嗒!看一步吞肩放胛 tah! khuànn tsi̍t-pōo thun-king pàng-kah 起手落插 khí-tshiú lo̍h-tshah 欸~這步跤手著愛鑠拍 eh~ tsit pōo kha-tshiú tio̍h-ài siak-phah 才袂敢若親像 tsiah buē kánn-ná tshin-tshiūnn 咧眠床頂跳倫巴 teh bîn-tshn̂g-tíng thiàu lùn-bah 來!看予真 lâi! khuànn hōo tsin 這步叫做童子拜觀音 tsit pōo kiò-tsuè tông-tsú pài Kuan-im 目睭著愛𢼌予金 ba̍k-tsiu tio̍h-ài pa hōo kim 才袂桌布看做面巾 tsiah bē toh-pòo khuànn-tsò bīn-kin
欸~啊這步就是落地的猛虎 eh~ ah tsit pōo tsiū-sī lo̍h-tē ê bíng-hóo 目睭若欲激怐怐 ba̍k-tsiu nā beh kik-khòo-khòo 內衫會看做內褲 lāi-sann ē khuànn-tsuè lāi-khòo 閣來!看予好! koh lâi! khuànn hōo hó! 這步叫做關公倒拖刀 tsit pōo kiò-tsuè Kuan-kong tò thua to 動作若無做好 tōng-tsok nā bô tsò hó 未曾拍會家己先倒 buē-tsîng phah ē ka-kī sing tó 啊紲落去 ah suà--lo̍h-khì 就是山人挽仙桃 tsiū-sī san-jîn bán sian-thô 挽若著 bán nā tio̍h 後代敢若會揣無 āu-tāi kánn ē tshē-bô
欸~閣來就是 eh~ koh lâi tsiū-sī 凌波洗身軀的架勢 Lîng-pho sé-sin-khu ê kè-sè 毋是準備欲出嫁 m̄-sī tsún-pī beh tshut-kè 但是請各位愛看詳細啊 tān-sī tshiánn kok-uī ài khuànn siông-sè--ah 才袂予凌波歹勢 tsiah buē hōo Lîng-pho pháinn-sè 來!閣來猶較好 lâi! koh lâi iáu khah hó 毋是欲相褒 m̄-sī beh sio-po 也毋是欲跳曼波 iā m̄-sī beh thiàu bàn-booh 就是欲來拳頭拚柔道 tsiū-sī beh lâi kûn-thâu piànn jiû-tō 啊若欲好 ah nā beh hó 就是愈落去愈好 tsiū-sī jú loh--khì jú hó 看! khuànn! ↑↑(口白)---(口白)---(口白)↑↑
來來來來 lâi lâi lâi lâi 今仔日有緣來相逢 kia̋nn-ji̍t ū-iân lâi siong-hông 明日就欲閣再換別位 bîng-ji̍t tiō beh koh-tsài uānn pa̍t-uī 太祖拳像鐵枝 thài-tsóo-kûn tshiūnn thih-ki 白鶴拳是像麻糍 pe̍h-ho̍h-kûn sī tshiūnn muâ-tsî 啊~請恁緊來看 ah~ tshiánn lín kín lâi khuànn 流浪江湖的 liû-lōng kang-ôo ê 硬軟的功夫 ngī-nńg ê kang-hu 緊來緊來緊來啦 kín lâi kín lâi kín lâi--lah
- Special thanks to W.B. Chen for correcting the lyric.
- Related Links: W.B. Chen
|