- Lyrics
- Album list
- Singer Intro
郭大誠
-
姑娘你真美(口白)
旁白 王麗華
五虎唱片
Lyricist:謝麗燕 Composer:船村敬
男: 小姑娘 你真漂亮呢 你真美麗呢 正真可愛呢 真正古雞呢 我真歡喜呢 我真甲意呢 愈看愈美呢 愈看愈愛呢 看久會破病呦
小姑娘 你真苗條呢 你真活潑呢 一對目睭呢 真會交人呢 你的皮膚呢 實在真白呢 你的脖子呢 親像煙銅呢 看久會破病呦
女:棟咧 你哪講我 看久會破病 男:嘿嘿嘿小姐 啊嘟 因為你真美真美的關係 啊你哪乎我看久 無乎我愛 我一定會為你破病啦 女:嘻嘻什麼破病 按呢都是為我病相思啦 男:病相思 啊 稱彩啦 女:唉啊 我敢有影彼美 男:有噢 你真美噢 美甲親像狐狸精 女:咦 狐狸精 男:咦 啊嘟親像狐狸精 妲己彼呢的迷人 女: 嗯 男:不但按呢噢 你可比親像凌波甲樂蒂彼呢有人氣 女:唉呀 而且你的溫存甲你的歌聲可比日本的雲雀 女:啊 敢有影 我唱看覓 都米說羅 男:啊唷 聽著會驚 你的歌聲比 雲雀 巧好聽 呀毋過敢那像牛車低咧駛落騎 女:嗯 是你不甘給咱嫌啦 男:小姐你惦惦聴 你可比親像白嘉莉那麼有人緣 女:有影毋 親像印度紅番那麼有熱情 女:是哦 男:而且哦 可比親像美國依莉沙白泰樂那麼可愛 女:嗯~ 男:像瑪麗蓮夢露的肉盤 女:大家都嘛這樣說 男:像德姬模特的性感 女:毋影啦 男:你可愛的頭鬃 親像山上的野草 你美麗的眉毛 親像飯店的掃把 迷人的目睭 可比日月潭甲大埤湖 你高高的鼻 可比新高山 古錐的嘴唇 可親像豬哥嘴 白白的嘴齒 佳那竹圍 胸膛像樓梯 肚子像水櫃 尤其是 你有那可愛那種的雞蛋型的臉容 親像桶盤那麼隋 女:吶 甘有影 男:有哦 女:啊 我好高興
男: 小姑娘 你真迷人呢 你真有情呢 真有人緣呢 真有靈氣呢 你真親像呢 世界小姐呢 真正性感呢 真正肉感呢 看久會破病呦 小姑娘 你真建材呢 你真聰明呢 真正親像呢 月女嫦娥呢 真會跳舞呢 真會唱歌呢 真像牛車呢 直到下坡呢 看久會破病呦
------------------------------------------
15827/《姑娘你真媠》Koo-niû Lí Tsin Suí 郭大誠Kueh Tāi-sîng 王麗華Ông Lē-huâ
小姑娘 sió-koo-niû 啊你真漂亮呢 ah lí tsin phiau-liāng--neh 啊你真美麗呢 ah lí tsin bí-lē--neh 啊真正可愛呢 ah tsin-tsiànn khó-ài--neh 啊真正古錐呢 ah tsin-tsiànn kóo-tsui--neh 我真歡喜呢 guá tsin huann-hí--neh 我真佮意呢 guá tsin kah-ì--neh 啊愈看愈媠呢 ah jú khuànn jú suí--neh 啊愈看愈愛呢 ah jú khuànn jú ài--neh 看久會破病唷 khuànn kú ē phuà-pīnn--iooh
小姑娘 sió-koo-niû 啊你真苗條呢 ah lí tsin biâu-tiâu--neh 啊你真活潑呢 ah lí tsin ua̍t-phuat--neh 一對目睭呢 tsi̍t-tuì ba̍k-tsiu--neh 真𠢕鉤人呢 tsin gâu kau lâng--neh 你的皮膚呢 lí ê phuê-hu--neh 實在真白呢 si̍t-tsāi tsin pe̍h--neh 啊你的頷頸呢 ah lí ê ām-kún--neh 啊親像煙筒呢 ah tshin-tshiūnn ian-tâng--neh 看久會破病唷 khuànn kú ē phuà-pīnn--iooh
↓↓(口白)---(口白)---(口白)↓↓ -堂的 tông--ê 你哪會講我看久會破病? lí ná ē kóng guá khuànn kú ē phuà-pīnn? --嘿嘿!小姐 heh-heh! sió-tsiá 這是因為 tse sī in-uī 你真媠真媠 lí tsin suí tsin suí 真媠的關係 tsin suí ê kuan-hē 啊你若予我看久 ah lí nā hōo guá khuànn kù 無予我愛 bô hōo guá ài 我一定會為你破病啦 guá it-tīng ē uī lí phuà-pīnn--lah
-嘻嘻!啥物破病 hi-hi! sí-mih phuà-pīnn 按呢就是 Find more lyrics at ※ Mojim.com án-ne tō-sī 為我病相思啦 uī guá pīnn-siunn-si--lah --病相思 pīnn-siunn-si 啊!啊!凊彩啦 ah! ah! tshìn-tshái--lah
-我敢有影遐媠? guá kám ū-iánn hiah suí? --有喔 ū--ooh 誠媠 tsiânn suí 你媠甲親像狐狸精 lí suí kah tshin-tshiūnn hôo-lî-tsinn
-欸!狐狸精? eh! hôo-lî-tsinn? --是 sī 媠甲親像 suí kah tshin-tshiūnn 狐狸精妲己 hôo-lî-tsinn Thán-kí 遐爾仔迷人 hiah-nī-á bê-lâng 不但按呢喔 put-tān án-ní--ooh 你可比親像 lí khó-pí tshin-tshiūnn 凌波佮樂蒂 Língpō kah Lèdì 遐爾有靈氣 hiah-nī ū lîng-khì 而且你的溫馴 jî-tshiánn lí ê un-sûn 佮你的歌聲 kah lí ê kua-siann 可比日本的雲雀 khó-pí Ji̍t-pún ê Hibari
-啊~敢有影? ah~ kám ū-iánn? 我唱看覓 guá tshiùnn khuànn-māi Do Mi Sol La --哎唷!聽著會驚 aih-iooh! thiann-tio̍h ē kiann 你的歌聲 lí ê kua-siann 比雲雀較好聽 pí Hibari khah hó-thiann 猶毋過 iáu-m̄-koh 袂輸敢若 bē-su kánn-ná 牛車咧駛落崎 gû-tshia teh sái lo̍h-kiā -嗯~是你毋甘共阮嫌 ngh~ sī lí m̄-kam kā gún hiâm
--小姐 sió-tsiá 你恬恬聽 lí tiām-tiām thiann 你可比像 lí khó-pí tshiūnn 臺語影星白蘭 Tâi-gú iánn-tshinn Pe̍h-lân 遐爾有人緣 hiah-nī ū-lâng-iân 像印度紅番 tshiūnn Ìn-tōo âng-huan 遐爾熱情 hiah-nī jia̍t-tsîng 而且你可比像 jî-tshiánn lí khó-pí tshiūnn 美國伊莉莎白泰勒 Bí-kok Yīlìshāpáitàilè 遐爾可愛 hiah-nī khó-ài 像麗瑪莉蓮夢露的肉彈 tshiūnn Má-lē-lián-bōng-lōo ê bah-tuānn 像碧姬芭杜的性感 tshiūnn Phik-ki-pa-tōo ê sìng-kám 你可愛的頭鬃 lí khó-ài ê thâu-tsang 親像山頂的野草 tshin-tshiūnn suann-tíng ê iá-tsháu 你美麗的目眉 lí bí-lē ê ba̍k-bâi 親像飯店的掃帚 tshin-tshiūnn pn̄g-tiàm ê sàu-tshiú 迷人的目睭 bê-lâng ê ba̍k-tsiu 可比日月潭佮大埤湖 khó-pí Ji̍t-gua̍t-thâm kah Tuā-pi-ôo 你懸懸的鼻 lí kuân-kuân ê phīnn 可比新高山 khó-pí Sin-ko-suann 古錐的喙脣 kóo-tsui ê tshuì-tûn 好像豬哥喙 hó-tshiūnn ti-ko tshuì 白白的喙齒 pe̍h-pe̍h ê tshuì-khí 好像竹圍 hó-tshiūnn tik-uî 胸坎若樓梯 hing-khám ná lâu-thui 你的腰若水櫃 lí ê io ná tsuí-kuī 尤其是你有可愛 iû-kî-sī lí ū khó-ài 彼種雞卵形的面容 hit tsióng ke-nn̄g-hîng ê bīn-iông 親像桶盤遐爾媠 tshin-tshiūnn tháng-puânn hiah-nī suí
-呢!敢有影 neh! kám ū-iánn --有喔 ū--ooh -喔!我真歡喜 ooh! guá tsin huann-hí ↑↑(口白)---(口白)---(口白)↑↑
小姑娘 sió-koo-niû 啊你真迷人呢 ah lí tsin bê-lâng--neh 啊你真有情呢 ah lí tsin ū-tsîng--neh 啊真有人緣呢 ah tsin ū lâng-iân--neh 真有人氣呢 tsin ū jîn-khì--neh 你就親像呢 lí tsiū tshin-tshiūnn--neh 世界小姐呢 sè-kài sió-tsiá--neh 真正性感呢 tsin-tsiànn sìng-kám--neh 真正肉感呢 tsin-tsiànn bah-kám--neh 看久 khuànn kú 會破病唷 ē phuà-pīnn--iooh
小姑娘 sió-koo-niû 你真天才呢 lí tsin thian-tsâi--neh 你真聰明呢 lí tsin tshong-bîng--neh 真正親像呢 tsin-tsiànn tshin-tshiūnn--neh 月裡嫦娥呢 gua̍t-lí Siông-ngôo--neh 真𠢕跳舞呢 tsin gâu thiàu-bú--neh 真𠢕唱歌呢 tsin gâu tshiùnn-kua--neh 親像牛車呢 tshin-tshiūnn gû-tshia--neh 佇咧落崎呢 tī-teh lo̍h-kiā--neh 聽久 thiann kú 會破病唷 ē phuà-pīnn--iooh
- Special thanks to W.B. Chen for correcting the lyric.
- Related Links: W.B. Chen
|